चरमसुख (orgasm) महिला र पुरुषमा

चरमसुख अर्थात अर्गाजम (orgasm) भनेको यौन सम्पर्कको अन्तिम बिन्दु हो । यो बेलामा महिला र पुरुषले अत्याधिक आनन्दको अनुभब गर्ने हुनाले यसलाइ चरमसुख भनिएको हो । महिला र पुरुषले पाउने चरमसुख पनि फरक हुने बिभिन्न अनुसन्धानहरुले पत्ता लगाएका छन ।

महिलाको चरमसुख ?

न्यू साइन्टिस्ट म्यागजिनले महिलाको चरमसुखका बारेमा बिभिन्न अध्ययनको नतिजा प्रखाशित गरेको छ । यो नतिजाले महिलाको चरमसुखको बारेमा भएका भ्रमलाई चिरेर विभिन्न तथ्य पत्ता लगाएको बताइएको छ । वैज्ञानिक तथा यौन मनोविज्ञहरूले गरेको सो अध्ययनको निचोड यहाँ प्रस्तुत गरिएको छ।

• जी-स्पटको बारेमा - वैज्ञानिकहरु महिलाको योनीभित्र हुने बिश्वास गरिएको जी-स्पट (G Spot) साँच्चिकै हुनेमा बिश्वस्त भएका छन । योनी भित्रको अति नै संवेदनशील क्षेत्र घर्षण गरेमा महिलालाई चरमसुख प्राप्त गर्न सजिलो हुन्छ । तर, अझै पनि योनीभित्र हुने यो संवेदनशील स्थान एकिन गरेर यहि हो भन्ने भन्न भने सकिँदैन। प्रत्येक महिलाले आँफुले अनुभब गरेको आधारमा कुनै क्षेत्रलाइ जी-स्प्ट भएको अन्दाज गरे पनि बैज्ञानिकरुपमा सो स्थानको बारेमा कसैलाइ थाहा छैन ।
• अचम्म त, सर्भेक्षण गरिएका धेरै जसो महिलाले चरमसुख नै प्राप्त गर्न नसक्ने वा नसकेको देखिएको छ । अमेरिकामा गरिएको सो सर्भेक्षणमा ४३ प्रतिशत अमेरिकी महिलाहरुले चरमसुख नै प्राप्त गर्न नसक्ने समस्या भएको देखिएको थियो। पुरुषको दाँजोमा महिलाहरुलाइ यौनसुख प्राप्त गर्न कठीन हुने देखिन्छ । यसमा कतिपय महिलाले सम्भोगका बेला चरमसुख प्राप्त गर्न नसके पनि हस्त मैथुनले चरमसुख प्राप्त गर्न सक्छन । तर, कतिपय यस्ता महिला हुन्छन जसलाइलाई हस्तमैथुन गर्दा पनि चरमसुखको अनुभूति हुँदैन। यसरी केही गरे पनि चरमसुख प्राप्त गर्न नसक्ने महिलाहरुमा यस्तो समस्या वंशाणुगत नै आउने पनि देखिएको छ ।
• वैज्ञानिकहरूले गरेको अनुसन्धानले चरमसुख भएको बेलामा महिलाको मस्तिष्कको सबै जसो भाग निस्त्र्किय हुन्छ। यौन क्रिडाको अन्तिम बिन्दुमा पुग्दा सेक्स बाहेक अरू सबै विषयमा दिमाग शून्य हुन्छ । चरम सुखका बेला मानिसको संवेदनाको अनुभूति गर्ने क्षेत्र पनि निष्त्र्किय हुन्छ। तेसैले होला, यौनले उन्मत्त भएको बेलामा भबिष्यको बारेमा सोच्न नसकिने भएको ।
• केही गरे पनि चरमसुख प्राप्त गर्न नसक्ने महिलाको लागि भनेर् वैज्ञानिकहरूले एक प्रविधिको विकास गर्ने प्रयास गरिरहेका छन। यस्तो प्रविधि महिलाको ढाडभित्रको एक नसामा जोडिने बताइएको छ जसले महिलालाइ चरमसुख दिने मष्तिष्कको भागलाइ सक्रिय गराइदिन्छ ।
• महिलालाइ गर्भधारणका लागि भने चरम-आनन्द हुनु आबश्यक हुँदैन । तेसैले चरमसुख कहिल्यै पनि प्राप्त गर्न नसकेका महिलाहरु पनि आमा बन्न भने सक्छन।

पुरुषको चरमसुख ?

महिला र पुरुषले उस्तै तरिकाले यौन सम्पर्क गर्ने र चरमसुख प्राप्त गर्ने भए पनि चरमसुखको प्रकार भने फरक हुन्छ । महिलाहरुमा हुने जस्तो जी-स्पट पुरुषमा हुँदैन । झण्डै आधा महिलाले जिन्दगी भर चरमसुख पाउन नसक्ने भए पनि चरमसुख प्राप्त गर्न नसक्ने पुरुषहरु कम हुन्छन ।

• पुरुषहरु महिलाहरु भन्दा सजिलै चरमआनन्द प्राप्त गर्न सक्छन भने महिलालाई समय लाग्छ र कतिपय महिलाले भने चरमसुख प्राप्त नै गर्न सक्दैनन ।
• पुरुषले एक चोटि यौन सम्पर्क गर्दा एक पटक मात्र चरमसुख प्राप्त गर्न सक्छ भने महिलाहरुले धेरै चोटि प्राप्त गर्न सक्छन । स्खलन पछि पुरुषको रिकभरी समय लामो हुन्छ । यस्को मतलब - पुरुष एक पटक स्खलित भए पछि फेरि उत्तेजित हुने समय लामो हुन्छ भने महिलाहरु चरमसुख प्राप्त गरेपछि फेरी तुरुन्तै उत्तेजित हुन सक्छन । यदि पुरुष लामो समय उत्तेजित रहेमा वा महिलाको जी-स्पटमा घर्षण गरिरहेमा, महिलाहरु लगातार धेरै चोटी चरमसुख प्राप्त गर्न सक्छन  ।
• धेरै जसो पुरुषहरु छिटै स्खलित हुन्छन र स्खलित भए पछि यौन सम्पर्क गर्न सक्दैनन । तर महिलाहरुले चरमसुख प्राप्त गर्न समय लाग्ने हुनाले पुर्ण सन्तुष्टि प्राप्त गर्न सक्दैनन । यदि यस्तो भयो भने महिलाहरुलाइ यौन सम्पर्क गर्न त्यति मन हुँदैन । यस्तो समस्या भएमा, पाकक्रिडा र लामो समयसम्म स्खलित नभइ यौन सम्पर्क गर्ने तरिकाहरु प्रयोग गर्न सकिन्छ ।  
• महिलाले चरम सुख प्राप्त गर्ने वा नगर्ने भन्ने कुरा पुरुषले महिलालाई गर्ने ब्यबहार र प्रेम अनि महत्त्व दिने/नदिने बानीले पनि प्रभाव पार्छ ।